Balantayan subong nga aga kun masagang pa sang Los Angeles Lakers ang pwersa sang Denver Nuggets kag mapunggan pa ini nga magdiretso na sa National Basketball Association (NBA) Finals.
Magasugod ang Game 4 sa tunga sang duha ka team sa Western Conference Finals las 8:30 subong nga aga oras sa Pilipinas.
3-0 na ang serye kag kun magdaog pa gid ang Nuggets subong nga adlaw, ini ang una nga team nga makatungtong sa Finals subong nga season kag magahulat na lang kun sin-o ang magadaog sa tunga sang Miami Heat kag Boston Celtics sa Eastern Conference.
Kinahanglan naman ang doble nga pagbakas sang Lakers sa ila mismo nga home court agud matigayon nga ma-lain ang maragtas sang NBA.
Nahibaluan nga wala pa sang bisan ano nga team sa NBA nga nakaagi-bangon gikan sa 3-0 nga deficit sa playoffs.
Una na nagpahayag ang Lakers superstar nga si Lebron James nga wala pa ini nagapangampo sa hampang kag nagalaum gihapon nga makabawi ang Los Angeles sa Game 4.
Ginalauman man nga magabalik sa hampang subong nga adlaw ang Lakers big man nga si Mo Bamba nga wala nakaagi-hampang sa playoffs bangud sa injury nga naangkon sang hampang sang Lakers batok sa Memphis Grizzlies. #
