Malapit na makumpleto ang bracket para sa ikaduha nga round sang NBA playoff series!
Patigayunon subong nga aga ang nabilin nga duha ka elimination games kun sa diin mangin host ang Orlando Magic sa kasumpong nga Cleveland Cavaliers, samtang magabisita naman ang Los Angeles Clippers sa home court sang Dallas Mavericks.
7:00 subong nga aga (oras sa Pilipinas) magasambuwa ang Magic kag Cavaliers kun sa diin sa isa ka daog na lang ang kinahanglan sang Cleveland sa 3-2 nga serye kag atubangon ang Boston Celtics sa semifinals sang Eastern Conference.
Amo man ang sitwasyon sa pihak nga hampang apang balantayan 9:30 subong nga aga (oras sa Pilipinas) kun mapatas sang Clippers sa 3-3 ang serye ukon maga-magic si Luka Doncic kag maga-diretso na ang Dallas sa second round.
Ang winner sa tunga sang Dallas kag Los Angeles ang magaatubang naman sa Oklahoma City sa West semifinals.
Nahibaluan nga kahapon, nag-abanse ang Knicks matapos ginlutos sa tres puntos ang 76ers sa Game 6; samtang nagsulod man sa second round ang Pacers kasunod sang 4-2 series win sa Game 6 nga mas nangin mahapos bangud wala ang presensya sang two-time MVP nga si Giannis Antetokounmpo sa playoff run bangud sa calf injury. #
