Nag-ulan ang simpatiya sang fans para sa anay National Basketball Association (NBA) champion nga si Klay Thompson nga isa sa nabilin sa gamay nga paglaum sang Dallas Mavericks subong nga season.
Nag-sulod si Thompson sa Mavs agud nga mabuligan sanday Kyrie Irving kag Luka Doncic nga makabawi na kuntani subong nga tuig, kag mabulsa ang NBA Championship matapos nagkabos sila kag nalutos sa kamot sang Boston Celtics sang nagligad nga tuig.
Apang sa isa ka makakilibot nga hitabo, gin-trade sang Mavs si Doncic sa Los Angeles Lakers, kag subong nga semana, nagsuprer naman si Irving sang injury kag indi na makabalik sa bilog nga season.
“It hasn’t been 48 hours since I tore my ACL, but the recovery process already started mentally, spiritually, emotionally,” suno kay Irving sa iya nga Instagram Live. “I just wanted to let you guys know I’m OK, and I will be OK moving forward. It does suck a lot, I ain’t gonna lie to you guys. This one stings for sure.”
Mangin ang anay Lakers star nga si Anthony Davis ang nagasuprer man subong sang injury kaupod sa iban pa nga Mavs players nga sanday Daniel Gafford kag Dereck Lively II. Dugang pa sa injury ni Irving amo si Jaden Hardy nga nakaangkon man sang sprained ankle sa 122-98 loss sang Dallas batok sa Sacramento Kings.
Nahibaluan nga sang summer sang 2024 sang natapos ang 13 ka tuig ni Klay sa Golden State Warriors matapos ang apat ka kampyonato kaupod sa franchise. Wala sini ginpirmahan ang gin-report nga kontrata nga gintanyag sang Lakers agud kuntani maupdan si LeBron James. Subong nga season, may average si Klay nga 13.8 points.
“The injuries we’ve had this season, guys are trying to hold it together to get other bodies back,” pahayag naman ni Mavericks head coach Jason Kidd. “And then it just seems every time we get close to getting someone back, someone else goes down…. We’re running out of bodies here. But guys keep fighting.”
32-30 subong ang team kag pang-10 sa Western Conference.
