Ginkumpirma ni Golden State Warriors head coach Steve Kerr nga nakaangkon sang injury ang superstar nga si Stephen Curry sa 112-104 nga kapaslawan sang team batok sa LA Clippers.
Nakit-an ang 36-anyos nga two-time MVP kag four-time NBA champion nga nagakiang-kiang na sang nagguwa ini sa third quarter.
Pagkatapos sang kuwatro minutos sa fourth quarter, nagbalik ini sa hampang apang naglala ang sakit kag ginbuligan sang team-mate nga si Gary Payton sa locker room.
Indi ini tuman ka lala nga injury suno kay Kerr apang ginakahangaw-an gihapon nila ang kaangay sini nga ankle injuries.
Si Curry nga may malawig man nga history sang ankle injuries ang naka-skor sang 18 points sa una nga kapaslawan sang Warriors subong nga NBA season.
Suno sa team, nagpaidalom ini sa Magnetic resonance imaging (MRI) scan pagkatapos sang hampang kag wala sang structural damage apang may left peroneal strain. Natalana nga iga-evaluate liwat ang iya kondisyon sa Biyernes.
“Golden State Warriors guard Stephen Curry, who exited last night’s game against the Los Angeles Clippers with 7:55 remaining in the fourth quarter, underwent an MRI late last night. The MRI showed no structural damage and confirmed the injury as a left peroneal strain. He will be re-evaluated on Friday,” suno sa X post sang GSW.#
