Nakuha sang Superstar nga si Lebron James ang isa na naman nga NBA record sa edad nga 41.
Siya subong ang ginakilala nga oldest player nga nakakuha sang triple-double matapos nga ginpangunahan sini ang Los Angeles Lakers sa kadalag-an nila batok sa Dallas Mavericks.
Nalapawan sini ang record ni Karl Malone nga 40 anyos sang nakuha man sini ang triple double para sa Lakers sa ila pagdaog kontra San Antonio Spurs sang Nobyembre 28, 2003.
Ang ini nga kadalag-an nakuha ni LebRon tatlo ka adlaw bag-o ang iya ika-22 nga All-Star-Game appearance.
Bangud wala sa gihapon ang NBA scoring leader nga si Luka Doncic, gin-umpisahan ni LebRon ang hampang sang mabaskog nga 14 ka puntos sa una nga quarter kag nabalik sang Lakers ang ila nga momentum halin sa duwa ka sunod-sunod nga pagka-pierde.
