Nag-abante na sa playoffs ang Oklahoma City Thunder matapos ginlutos ang defending champions nga Boston Celtics, 118-112.
Nanguna sa Thunder si Shai Gilgeous-Alexander nga may 34 kag si Chet Holmgren nga may 23 points kag 15 rebounds.
Gin-sweep man sang Oklahoma ang Celtics sa sini nga two-game season series matapos una ini nga ginhimo sang Enero 5 sa Oklahoma City.
Ini naman ang ila pang-17 nga daog sa ila nagligad nga 18 ka mga hampang.
Sa Boston, nangibabaw si Jayson Tatum nga may 33, si Al Horford nga may 18 points kag 10 rebounds, kag si Derrick White nga may 22.
Bisan pa nga nalutos ang Celtics sa kamot sang Thunder, nakahimo sila sang NBA history sa 3-point shooting.
Ang ila 36 ka 3-point attempts sa first half sang hampang amo ang bag-o nga record sa liga sa pinakadamo nga attempts sa tres sa first half. Nagtapos sila nga may 20 for 63 — patas sa third most attempts sa bug-os nga maragtas sang liga.
Ginalantaw sang iban nga preview ang hampang sang OKC kag Celtics sang NBA finals subong nga 2025 bisan pa nga ang nagapanguna sa Eastern Conference amo ang Cleveland Cavaliers nga amo ang una nakasulod sa playoffs sang nagligad pa nga semana.#
