Gina-monitor sang National Bureau of Investigation (NBI) ang 20 ka vloggers nga ginaakusaran nga nagapinalapta sang fake news sa social media.
Sa 20 nga ini, duha na ang may yara sang arrest warrants.
Mismo si NBI Director Jaime Santiago ang nagkumpirma nga may lista sila sang vloggers kag sa ila pinakaulihi nga online posts. uno kay Santiago, may isa pa ka vlogger nga didto nakabase sa United States.
Gina-assess sang bureau ang posible ikaso sa sini nga mga indibidwal bangud ginpahayag nga sulod ini sa cyber libel kag sulod man sa inciting to sedition.
“Papasok sa cyber libel, papasok sa inciting to sedition. Yung mga mamamayan natin, ginagawa nilang biro-biro yan no? Sinasabi nila, meron tayong freedom of speech, freedom of expression. Pero lagi po nating sinasabi, that is not absolute. Merong limitation yan. Pagka lumalampas ka na sa parameter ng batas, nakaka-commit ka na ng krimen, e kailangan masawata natin yan,” suno sa director sang bureau.
MALACAÑANG
Nagapakig-angot na ang Malacañang sa NBI kaangot sa nagalinapta nga fake news online nga mahimo maangot sa pagkaaresto kay former President Rodrigo Duterte.
Gin-cite pa mismo ni Presidential Communications Office (PCO) Undersecretary Claire Castro ang nangin statement ni former Executive Secretary Salvador Medialdea nga wala sa detention facility si Duterte. Sang amo nga tion, madasig naman nga nagpaguwa sang statement ang International Criminal Court (ICC) agud balion ang nagalapta nga impormasyon nga missing ang former president.
Nagapakig-angot man ang Palasyo sa National Telecommunications Commission (NTC) kag sa Department of Information and Communications Technology (DICT) agud nga madagdagan sang penalidad ang fake news peddlers.
“Kapag po nandoon na po iyong elemento ng inciting to sedition, which is of course without any tumultuous uprising but they are encouraging people to sow hatred for the government, for the President, then we have to step up,” suno kay Castro.
Ginsulit sang Malacañang nga bisan wala man nagapalingkang sa kritisismo si President Ferdinand “Bongbong” Marcos Jr., dapat mahangpan sang publiko nga may limitasyon ang freedom of expression.
Base sa recent Social Weather Stations survey, 62% sang mga Pilipino ang nagapati nga seryoso nga problema ang fake news, kag natukiban man sa amo nga survey nga madamo nga respondents ang nabudlayan sa paghibalo kun ano ang fake news.#
