Gin-isyuhan na sang subpoena sang National Bureau of Investigation ang 5 ka host sang Machong Chismisan podcast matapos ang pagpakamalaot sang mga ini sa bata ni Kris Aquino nga si Josh nga may autism spectrum.
Suno kay NBI Director Melvin Matibag, ginapaatubang sini ang mga myembro sa Cybercrime Division sa Oktubre 20.
Pahayag pa ni Matibag nga possible nga magapangatubang sang kaso nga nagalapas sa Republic Act 7277 ukon Magna Carta for Disabled Persons kag cyber libel ang grupo.
Ginpunto man ni Matibag nga kulang ang public apology agud nga malikawan sang mga ini ang criminal liability.
Nahibaluan nga nag-ani sang madamo nga pagpakamalaot ang nangin episode sang grupo matapos nga tawgon sang isa sa ila nga wala sang pulos si Josh.
