Nakakuha ang National Bureau of Investigation (NBI) sang dugang nga mga importante nga equipment kag devices halin sa condominium unit ni Deng Yuanqing nga amo ang Chinese national nga gindakop bangud sa gin-alegar nga pagpang-espiya diri sa Pilipinas.
Sa follow-up operation sa iya ginatiniran sa Makati, ang nakumpiskar sang otoridad nagalakip sang laptop, computer, external drives, router, kag modem nga mahimo magamit sa remote access kag data extraction.
May na-recover man nga IDs, passports, ankagd deposit slips nga kada transaction nagabalor sang minilyon ka pesos.
Iga-check pa sang otoridad paagi sa forensic investigation kun personal ini nga transaksyon ukon parte sang operasyon sa pagpang-espiya.
Enero 17 sang naaresto si Deng kaupod sa duha ka Pinoy samtang sakay sa salakyan nga puno sang high-tech devices nga ginapatihan nga para sa pagpang-espiya particular na sa mga military camps, facilities, kag EDCA sites sa Pilipinas.
