Gin-aprubahan ni President Rodrigo Duterte ang rekomendasyon sang Inter-Agency Task Force for the Management of Emerging Infectious Diseases nga ipaidalom ang National Capital Region (NCR) sa General Community Quarantine (GCQ) subject sa heightened restrictions umpisas subong nga adlaw Hulyo 30 tubtob Agosto 5, 2021.
Apang umpisa Agosto 6, pataason ang classification sang NCR sa Enhanced Community Quarantine (ECQ) tubtob Agosto 20, 2021.
Suno kay Presidential Spokesperson Atty. Harry Roque, take-out kag delivery lamang ang pahanugutan kag istrikto nga dumilian ang tanan nga indoor dine-in services kag al fresco dining.
Ginapahanugutan naman sa 30% venue ukon seating capacity ang personal care services, kaangay sang beauty salons, beauty parlors, barber shops kag nail spas.
Ginadumilian ang operasyon sang indoor sports courts and venues, indoor tourist attractions kag specialized markets sang Department of Tourism (DOT).
Ang outdoor tourist attractions ang pahangutan sa 30% venue capacity.
Pahanugutan ang pagwa kag pasulod sang authorized Persons Outside their Residences sa NCR Plus Area, nga ginalakipan sang Cavite, Bulacan, Laguna, kag Rizal.
Virtual religious gatherings lamang ang pahanugutan kag ginalimitahan sa immediate family members ang pagtililipon para sa necrological services, wakes, inurnment kag funerals.
Magluwas sa Metro Manila, ang mga ginpaidalom sa GCQ with heightened restrictions amo ang mga masunod:
*Ilocos Sur
*Cagayan
*Bulacan
*Laguna
*Cavite kag Rizal
*Naga City
*Antique, Aklan, Bacolod City kag Capiz
*Negros Oriental
*Zamboanga del Sur
*Misamis Oriental
*Davao City, Davao del Norte, Davao de Oro, Davao Occidental
kag Butuan City
Samtang, ipabilin naman sa ECQ ang Gingoog City, Iloilo City, Iloilo Province, kag Cagayan de Oro City umpisa Agosto 1 tubtob Agosto 7, 2021.
