Ginakonsiderar sang Inter-Agency Task Force for the Management of Emerging Infectious Diseases ang pagpatuman liwat sang bubble-type setup sa National Capital Region (NCR) Plus.
Ini ang ginaduso agud nga malikawan ang paglapta sang Delta variant sang COVID-19 nga subong may 35 na ka kaso sa Pilipinas — walo sa sini ang active cases.
Ang independent research group nga OCTA ang naghimo sini nga suhestyon matapos nagwa ang report nga may local cases na sang Delta variant sa Pilipinas.
Suno kay Department of the Interior and Local Government Secretary (DILG) Undersecretary Epimado Densing III, istoryahan pa ini sa IATF meeting sa Hwebes.
Matandaan nga Marso sang ginbutang sa bubble set-up kag gintawag nga NCR plus ang Metro Manila, Bulacan, Cavite, Laguna, kag Rizal bangud sang pagtimbuok sang COVID-19 infections.
