Nagpanawagan ang National Disaster Risk Reduction and Management Council sa ila tagsa ka mga personnel nga mangin handa sa mga emergency preparations bangud gindeklara na nga “blue alert” ang Cagayan province bangud sa Tropical Depression Falcon nga ginalauman magabubo ang ulan karon sa gab-i ukon sa Myerkules nga adlaw.
Sa idalom sang blue alert, 50% sang personnel sang talatapan ang nagakadapat nga yara na sa tagsa nila ka mga posts.
Nagpaandam man ang Mines and Geosciences Bureau nga may yara sang makanay tubtob mabaskog nga pag-ulan kag pagdagu-ob nga mahimo tunaan sang landslides kag pagbaha sa Ilocos, Cagayan Valley, Calabarzon, Central Luzon, Mimaropa, Bicol, Western Visayas, Central Visayas, Eastern Visayas, Cordillera Administrative, kag National Capital Regions.
Samtang ginpaandaman man sang Philippine Atmospheric, Geophysical and Astronomical Services Administration nga subong nga adlaw, ang Luzon kag Visayas ang ginalauman nga ma-eksperyensyahan ang lapta-lapta nga pag-ulan kag ang Mindanao naman ang maka-eksperyensya sang makanay tubtob kasarangan nga pag-ulan.
Nahibaluan nga may yara sang natalana nga pondo ang Department of Social Welfare and Development balor P1.99 billion lakip na ang Family Food Packs, emergency funds kag mga non-food items para sa mga ma-apektuhan sang Tropical Depression Falcon.
