ILOILO CITY-Madamo sang oportunidad agud mag-uswag ang sektor sang agrikultura sa Western Visayas.
Ini ang ginhatagan sang igtalupangod sang National Economic and Development Authority (NEDA)- Region 6 kadungan sa ginpatigayon nga Socio-Economic conference nga gintambungansang nagkalain-lain nga sektor sa rehiyon.
Sa interview sang Bombo Radyo Iloilo kay Ms. Ro Ann Bacal, Regional Director sang NEDA Region 6, iya ginpahayag nga adlaw-adlaw, may yara sang demand sa pagkaon kag mga agrikultural nga produkto kag ini ang dapat hingalitan sang mga mangunguma.
Suno kay Bacal, kinahanglan lang nga mas mangin produktibo ang mga mangunguma paagi sa mas aktibo nga pagkultibar sang ila mga umahan agud magtaas ang ila produksyon.
Ginpahayag ni Bacal, importante man nga may ihibalo ang mga mangunguma tuhoy sa demand sang ila mga produkto.
Gindugang naman sang NEDA director nga dapat suportahan sang mga Local Government Units (LGU) ang sektor sang agrikultura agud mas mapauswag ini kag mas mapasangkad ang market sang mga lokal nga mangunguma.
