ILOILO CITY – Ginalauman sang National Economic and Development Authority (NEDA) nga magataas ang gross domestic product sang pungsod sa first quarter sang tuig kasunod sang padayon nga strong manufacturing expansion kag paghalog sang hulag sang tawo bangud sang pandemya.
Suno kay Socioeconomic Planning Secretary kag NEDA chief Karl Kendrick Chua, base sa report, ang nagapadulong sa mga terminal sa pungsod ang nagtaas sa 20 % kun ipaanggid sa panahon nga wala pa sang pandemya.
Sa amo man nga report, nagtaas man sang 15% ang nagapadulong sa trabaho kasunod sang pagbukas sang ekonomiya kadungan sang pagpaidalom sa lugar sa alert level 1.
Kung madumduman, ang GDP sang pungsod sa una nga tatlo ka bulan sang nagligad nga tuig ang nagsarurot sang 3.9 percent year-on-year bangud sang COVID-19.
Ang gobyerno ang magahatag sang report sang first-quarter GDP performance sa Mayo 12.
Subong nga tuig, target sang gobyerno nga makuha ang 7 tubtob 9 percent nga pagsaka sang GDP bangud man sang full swing nga pagbukas sang ekonomiya
Dugang pa ni Chua, maka-generate sang additional nga P12 billion nga output sa isa ka semana sa tion nga mabalik na ang tanan nga face-to-face classes.
