ILOILO CITY- Ginpanawagan ni National Economic and Development Authority (NEDA) Secretary Arsenio Balisacan ang pagpasar sang 10 ka economic measures agud ma- sustain ang pagsanyog sang ekonomiya ang pungsod.
Kadungan sang pagbukas sang Senate Finance Committee deliberations sa 2025 Budget, pila sa mga luyag ni Balisacan nga mapasar nga hagna amo ang -Reforms to Philippine Capital Markets, Archipelagic Sea Lanes Act, Amendments to the Right-of-Way Act, Excise Tax on Single-Use Plastics, Rationalization of the Mining Fiscal Regime, Amendments to the Electric Power Industry Reform Act (EPIRA), Department of Water Resources, CREATE MORE Act, Amendments to the Foreign Investors’ Long Term Lease Act, kag Amendments to the Rice Tariffication Law.
Suno kay Balisacan, positibo ini nga mapasar ang nasambit nga top priority bills nga gintumod sang Legislative Executive Development Advisory Council ukon LEDAC.
Pahayag niya, ini nga mga hagna ang kritikal agud masuportahan ang economic governance sang pungsod kag mapadasig ang implementasyon sang infrastructure projects kag fiscal sustainability para sa long-term nga pagsanyog.
