Gina-require sang Commission on Elections (Comelec) ang mga pulitiko nga kun mag-file sang ila Certificates of Candidacy (COCs), dapat nga mag-presentar sang negative swab test result.
Sandig ini sa Resolution 10717 sang Comelec kun sa diin nasaad man nga dapat makuha anay ang swab test result within the last 24 hours antes ang pag-file sang COC.
Ang physical filing sang COCs ang scheduled sa Oktubre 1-8.
Sa interview sang Bombo Radyo kay Election Assistant II Jonathan Sayno sang City Comelec, iya ginpahayag nga indi pagpasudlon ang wala sang bitbit nga result.
Kinahanglan man ang istrikto nga pagsunod sa protocol kaangay sang pagsuksok sang face mask kag face shield.
Required man nga magpakita sang result pati ang media personnel nga maga-cover sang event, personnel nga magaatubang sa applicants, kag political ukon sectoral party officials. #
