Ginpahayag ni U.S. President Donald Trump nga posible nga magasugod na ang negosasyon sa tunga sang Estados Unidos kag China para sa isa ka posible nga kasugtanan nga may kaangtanan sa pagbakal sang TikTok.
Madumduman nga sang nagligad nga bulan, ginpalawig ni Trump ang deadline para sa ByteDance, ang China based owner sang TikTok, agud ibaligya ang U.S. assets sang app tubtob Septyembre 17.
May yara na sang kasugtanan nga igasaylo ang operasyon sang TikTok sa isa ka bag-o nga U.S.-based nga kompaniya, apang napunggan ini bangud sang pagpamatok sang China matapos nga gin-anunsyo ni Trump ang pagtaas sang taripa sa mga produkto gikan sa China.
Suno kay Trump, kinahanglan pa sang pinal nga pag-apruba halin sa China para matuman ang nasambit nga kasugtanan.
