ILOILO CITY – Apektado ang kita sang mga negosyante nga nagabaligya sang Bahay Kubo bangud sa ginpatuman nga lockdown.
Sa Good Morning Philippines program, ginpahayag ni Jimabel Limongco, tag-iya sang Limongco’s Bahay Kubo, nga madamo sang dapat ikonsiderar sa paghimo kag pagbaligya sang Bahay Kubo nga himo sa kawayan.
Suno kay Limongco, ang nasambit nga negosyo ang ginpundar sang iya amay nga nagpasimpalad sa syudad sang Iloilo halin sa ila lugar sa Pampanga.
Ginpahayag ni Limongco nga sa nasambit nga negosyo, kinahanglan nga maayo ang kalidad sang kawayan agud mangin mapag-on ang pagahimuon nga Bahay Kubo, depende sa disenyo nga luyag sang kustomer.
Ang negosyo suno kay Limongco ang indi lamang lunsay kadalag-an kundi nagakinahanglan man sang pagkapisan kag pagka madiskarte.
Antes pa man ang pagpatuman sang lockdown, ginpahayag sang natungdan nga may yara na sila sang stocks sang materyales agud nga padayon ang paghimo sang Bahay Kubo.
Bangud nga wala sang byahe, ang iban sa mga deliveries ang apektado apang nakadepende naman ini sa kasugtanan sa tunga sang negosyante kag sang kustomer.
