Manogtapos na ang negotiation stage sang Aboitiz Group kag sang Committee on Public Private Partnership sang Iloilo City Government kaangot sa proposal nga bulk water supply.
Sa interview sang Bombo Radyo kay Atty. Dave Garcia, vice chairman sang Committee on Public Private Partnership, iya gin-athag nga nakatalana kontani nga matapos ang ika-80 nga adlaw sang negosasyon sa Abril 28, 2025.
Suno kay Garcia, okay naman ang price range nga gintanyag sang nasambit nga kompanya nga nagadalagan sa P37 to P41 per cubic meter.
Ginpahayag man sini nga ‘reasonable’ man ang balor sang tubig bangud mahimo nga 2029 ukon 2030 pa mag-epekto.
Gintuad man ni Garcia nga manageable na man ang obligasyon sang syudad sa pagproseso sang water permit and rights.
