Nagapanguna sa Western Visayas ang Negros Occidental sa may pinakamataas nga kaso sang COVID-19 nga narekord as of April 17 sa diin naglab-ot ini sa 131 .
Wala naman sang may narekord nga kaso sa Aklan.
Sa Antique, 17 ka mga kaso ang nagdugang; duha sa Capiz; 4 sa Guimaras; 37 sa Iloilo Province; 44 sa Bacolod City kag walo sa Iloilo City.
Ang kabug-usan nga confirmed cases sang COVID-19 kahapon nga adlaw ang naglab-ot sa 243.
Samtang 274 naman ang mga nag-ayo sa balatian kag isa ang nagdugang sa mga napatay.
Sa subong, 26,874 na ang total reported recoveries kag 829 ang total reported deaths.
Ang Western Visayas ang may yara na sang 31,872 nga mga kaso sang COVID-19 sa diin 4,163 diri ang active cases.
Kun pahat-pahaton ang mga kaso sa kada probinsya kag syudad sa rehiyon;
Aklan – 1,393
Antique – 739
Capiz – 1,498
Guimaras – 380
Iloilo Province – 5,699
Negros Occidental – 9,470
Bacolod City – 6,731
Iloilo City – 5,962
