ILOILO – Nagpanguna ang Negros Occidental sa bug-os nga Western Visayas sa may pinakamadamu nga record sang traffic violations subong nga tuig.
Santo sa record sang Regional Highway Patrol Group sang Philippine National Police, ang Negros Occidental ang nakarecord sang 2,922 ka traffic violations humalin sang Enero 1 tubtub Hulyo 31, 2019.
Ang Negros Occidental ang ginasundan sang Guimaras nga may 604, Capiz nga may 312, Antique nga may 227, Aklan nga may 206 kag Iloilo nga may 187.
Lakip sa mga traffic violations nga na-record amo ang No Seatbelt, No Helmet, No Plate, Unauthorized Plates kag Colorum.
