Mangin flag bearer sang Pilipinas ang boxing silver medalist nga si Nesthy Petecio sa closing ceremonies sa Tokyo Olympics bwas, Agusto 8.
Suno kay Chef de mission Mariano “Nonong” Araneta, mas madamo na nga atleta ang pahanugutan nga maka-upod sa parada.
Sa opening ceremonies sang Hulyo 23, anum lang ka mga opisyal ang nakasunod sa parade upod sa flag bearers nga sanday Eumir Marcial kag Kiyomi Watanabe.
Subong nga closing ceremony, may dugang nga 10 passes para sa Pilipinas.
Maupod man sa parade sanday Eumir Marcial, bronze medalist, kag Carlo Paalam, silver medalist.
Ang Tokyo 2020 ang ginakabig best Summer Games para sa Pilipinas bangud apat ka mga medalya ang nadaug sang mga Olympians, lakip na ang historic gold nga nakuha ni weightlifter Hidilyn Diaz sa women’s 55-kilogram division.
