Nanindugan si Israeli Prime Minister Benjamin Netanyahu nga wala sang permanent ceasefire sa Gaza tubtub nga wala pa napapas ang military kag governing capabilities sang Hamas kag wala pa nahilway ang tanan nga mga bihag.
Ini ang iya statement kasunod sang anunsyo ni US President Joe Biden nga nagduso ang Israel sang three-stage plan sa Hamas agud nga may makasugtan nga permanent ceasefire.
Ini nga ginaalegar negosasyon ang natabo kadungan sang opensiba sa Rafah kun sa diin may nagakadalahig na nga mga sibilyan.
Apang sa latest statement ni Netanyahu, ginpahayag sini nga wala naglain ang mga kondisyon sang Israel sa gyera. Gin-insister man sini nga wala ini sang pirmahan nga kasugtanan tubtub wala pa nalab-ot ang kondisyon nga ila gin-set kaangot sa Gaza war.
“Under the proposal, Israel will continue to insist these conditions are met before a permanent ceasefire is put in place. The notion that Israel will agree to a permanent ceasefire before these conditions are fulfilled is a non-starter,” suno sa statement.
Matandaan nga sa proposal nga gin-anunsyo ni Biden, may yara sang tatlo ka phases kun sa diin anum ka semana ang kalawigon sang una nga phase kun sa diin nalakip ang full ceasefire, withdrawal sang Israeli forces halin sa populated areas sa Gaza, kag pagbayluhanay sang prisoners.
As of press time, masobra na sa 36,000 ka Palestinians ang napatay sa Gaza bangud sa pagtimalos sang Israel sa pag-atake sang Hamas sang Oktubre 7, 2023.
