Nagmandu na si Israeli Prime Minister Benjamin Netanyahu sang gilayon nga pag-umpisa sang negosasyon agud nga mahilway ang mga nabilin nga bihag sa Gaza kag matapos na ang gyera.
Ginklaro sini nga ang mga kondisyon sa negosasyon ang dapat nga “acceptable” sa Israel.
Ini apisar nga gin-aprubahan man niya ang plano sang militar nga okuparon ang syudad sang Gaza.
“I came to approve the army’s plans to take control of Gaza City and decide the battle against Hamas,” suno sa prime minister. “At the same time, I instructed immediate negotiations for the release of all our hostages and to end the war under conditions acceptable to Israel.”
Base sa militar, 50 pa ka mga bihag ang yara sa kamot sang Hamas militants apang 20 na lang ang ginapatihan nga buhi pa.
Masobra naman sa 10,800 nga mga Palestino ang napreso sa Israel. Naga-akusar naman ang mga rights groups nga may ginahimo pa nga torture kag medical neglect.#
