Gin-anunsyo sang Netherlands nga ibalik nila sa Indonesia ang masobra 28,000 ka fossil, lakip ang mga parte sang ginakabig nga “Java Man” ang pinakauna nga fossil sang Homo erectus nga ancestors sang mga moderno nga tawo.
Ang mga fossil nga kabahin sang ginatawag nga Dubois Collection ang una nga ginkuha halin sa Indonesia sang 1891 sang Dutch anthropologist nga si Eugene Dubois sang panahon sang colonization sang Netherlands sa pungsod.
Suno sa gobyerno sang Netherlands, ang collection ang importante sa pagtuon sang evolution sang tawo, apang nahibaluan sang Dutch Independent Colonial Collections Committee nga ang mga fossil ang ginaalegar nakuha sang wala sang permiso halin sa local nga pungsod, rason nga ginarekomenda nga ibalik ini.
Nahibaluan nga ini ang ika-anom nga kahigayunan nga magbalik ang Netherlands sang mga collection, kaangay nalang sang pagbalik sang mga Benin Bronzes sa Nigeria sini nga tuig.
