Ginsuyaan sang mga netizens ang nangin greeting sang aktor nga si Gerald Anderson sa birthday sang iya nobya nga si Julia Barretto.
“Happy Birthday” nga may heart emoji kag “#youareablessing” ang nangin caption sang picture ni Julia nga ginpost ni Gerald sa Instagram.
Gilayon nga nakaangkon sang linibo nga mga comments ang post ni Gerald apang mas madamo pa ang pagpanghikay kun ipaanggid sa mga pagdayaw.
Wala napunggan sang pila ka mga netizens kag ginpaanggid ang nangin mensahe ni Julia para kay Gerald sang kaadlawan sini sang Marso 7 kag subong nga base sa mga netizens, nangin makinot si Gerald sa mga tinaga nga iya ginbuy-an para sa nobya.
Gani bangud sini, gintawag nga “stiff” kag “dry” sang mga netizens ang greeting ni Gerald para kay Julia.
