“Natapos na bala ang pila?”
Ini subong ang pinakamatunog nga pamangkot matapos nagguwa ang holding-hands-while-walking picture sang heartrob nga si Joshua Garcia kag sang rumored girlfriend sini nga si Bella Racelis.
Sa amo nga picture, pareho sila nga nakasuksok sang face mask nga puti kag pareho man nga naka-shades. Ginapahayag nga yara sa isa ka luxury mall sanday Joshua kag Bella sang ginkuha ang amo nga picture.
Isa ka content creator si Bella nga may 1.23 million subscribers sa YouTube kag isa man subong sa mga ginakabig nga incredibly exceptional kag authentic nga Filipina lifestyle vloggers!
Halin pa sang nagliligad nga bulan sang gina-link ang duha matapos na-obserbaran sang netizens nga masami nga naga-like kag naga-comment si Joshua sa Instagram posts ni Bella. Ginbutang pa anay ni Joshua ang picture kag video ni Bella sa iya nga photography Instagram account.
Kun balikan, ang aktres nga si Julia Barretto ang ulihi nga nakarelasyon ni Joshua. Madumduman nga 2019 sang gin-anunsyo nga break na sanday Joshua kag Julia matapos ang duha ka tuig nga relasyon.
