Nagpanawagan ang house prosecution member nga si Manila Representative Joel Chua sa mga senator-judges ng mag-obserbar sang neutrality sa impeachment ni VP Sara Duterte matapos nga nag-upod ang iban sa ila sa Vice President sa trip sa Malaysia.
Yara sa trip sanday senator-judges Robin Padilla kag Imee Marcos para sa Independence Day celebration kahapon.
Suno kay Chua, nasubuan ini bangud may mga senator-judges nga nagapabutyag na sang ila pag-apin kay VP Sara.
Pahayag ni Chua, diskusyunan sang House prosecution team ang mga tikang para ma-address ang isyu.
Magluwas kay Chua,ang isa sa mga authors sang 1987 Constitution nga si Christian Monsod ang nagsiling man nga dapat mag-inhibit sanday Ronald “Bato” dela Rosa kag Francis Tolentino sa pagpungko bilang senator-judges matapos nila ginduso ang pag-dismiss sa impeachment case batok kay Duterte.
