Matapos ang masobra isa ka dekada nga serbisyo, gin-anunsyo ni New York Governor Andrew Cuomo ang iya resignation kasunod sang sexual harassment allegations batok sa iya.
Epektibo ang resignation sang gobernador matapos ang 14 ka-adlaw.
Suno kay Bombo International Correspondent Alex Vidal, direkta sa New York, 11 ka mga babaye, nga ginalakipan sang pila ka mga staff kag mga indibidwal nga wala nagatrabaho sa idalom sang iya administrasyon ang ginapahayag gin-harass ni Governor Cuomo.
Kadam-an sa New York Assembly ang nag-suporta sa pagpahalin sa gobernador.
Pahayag ni Vidal, sa pihak sang madamo nga reklamo nga naggwa angot sa mga harrasment ukon pagpang-hurikap ni Cuomo sa madamo nga kababainhan, ginpanindugan sang gobernador nga ‘bias” kag indi patas ang kritisismo nga ginhaboy sa iya.
Nahibaluan nga 2010 sang nagdaog bilang gobernador si Coumo sa diin nalakip pa ang iya pangalan sang amo man nga tuig sa ‘People’s Sexiest Men Alive.’
Sang 2011, ginduso niya ang pagpasar sang same-sex marriage sa New York state, nga amo ang ginakabig sang gobernador bilang isa ka greatest accomplishment.
