Ginhimo ni New York Yankees shortstop kag half filipino nga si Anthony Volpe nga mangin makahulugan ang iya pagbisita sa Pilipinas paagi sa paghiwat sang libre nga baseball camp para sa mga kabataan nga pinoy.
Naglab-ot sa 200 ka mga kabataan ang nakabenepisyo sa camp nga ginhiwat sa isa ka Stadium sa Taguig.
Naghatag sang mga laygay kag eksperyensya parte sa baseball si Volpe amo man ang mga personal sini nga ginpang-agyan sa nasambit nga sport.
Nagpasalamat man siya sa iya mga pamilya diri sa Pilipinas nga nagbulig sa pagpatuman sang programa.
Magapabilin si Volpe sa Pilipinas tubtob Enero 7 antes magbalik sa Estados Unidos agud magpreparar para sa maabot nga Major League Baseball season sa Marso 2026.
