ILOILO CITY – Ginplastar ni newly appointed Iloilo City Police Office (ICPO) Director Colonel Kim Legada ang mga programa nga iya tutukan kadungan sang iya pormal nga pagpungko sa posisyon.
Si Legada ang nagbulos kay Colonel Joeresty Coronica nga nagapungko na subong bilang officer-in-charge sang Bacolod City Police Office (BCPO).
Sa interview sang Bombo Radyo kay Legada, iya ginpahayag nga prayoridad niya amo nga untaton ang illegal activities sang mga Chinese nationals kaangay sang Philippine Offshore Gaming Operators (POGO).
Ini ang kasunod man sang mando ni President Ferdinand Marcos Jr. sa iya State of the Nation Address (SONA) nga untaton na ang operasyon sang illegal nga POGO sa pungsod.
Suno kay Legada, lakip man sa iya nga tutukan amo ang pagtapna sa, illegal drugs, illegal gambling, smuggling, kag cybercrime.
Nahibaluan nga antes nangin ICPO Director, nagserbe si Legada bilang chief sang Regional Plans and Strategy Management Division sang Police Regional Office
