ILOILO CITY – “No comment” ang isa ka durgugista matapos nadakpan sa buy bust operation sa Poblacion, Molo, Iloilo City.
Ang subject sang buy bust operation amo si Shem Minerva Haresco, 27, sang Lopez Jaena Norte, La Paz, Iloilo City.
Sa interview sang Bombo Radyo kay Police Major Engelbert Banquillo, hepe sang Molo Police Station, iya ginpahayag nga si Haresco ang nakuhaan sang apat ka sachet sang suspected shabu lakip na ang isa ka buy bust item.
Suno kay Banquillo, magluwas sa shabu, nakuha man kay Haresco ang P2,100 nga buy bust money kag isa ka cellphone.
Ginpahayag ni Banquillo nga si Haresco ang naangot sa isa pa gid ka durugista nga si John Paul Tusing nga una na nga nadakpan kagab-i.
Madugay ang ginpatigayon nga surveillance suno kay Banquillo bag-o nadakpan si Haresco nga isa ka newly identified drug personality.
Bangud sini, magapangatubang sang nagakaigo nga kaso si Haresco may kaangtanan sa paglapas sa Comprehensive Dangerous Drugs Act of 2002.
