Ginpasa na sang Japan ang Olympic flag sa pungsod France, ang masunod nga host sang Olympiada.
Ang naghatag sang flag amo si Tokyo Governor Yuriko Koike, ginbaton sang Olympic representative, kag ginpasa naman kay Anne Hidalgo, ang mayor sang Paris nga amo ang host city sang Summer Olympics sa 2024.
Sa pagtakop sang Tokyo 2020 Olympics subong nga tuig, ang Team USA ang nagpanguna sa may pinakamataas nga numero sang medalya.
113 ka medals ang nakuha sang USA sa 28 ka lain-lain nga sports. Lakip diri ang 39 gold, 41 silver kag 33 bronze medals.
Ini na ang ikatatlo nga sunod-sunod nga Summer Olympic Games nga nagpanguna ang Estados Unidos.
Ika-50 naman ang Pilipinas sa Olympic medal standings matapos nakakuha sang 1 ka gold, duha ka silver, kag 1 ka bronze medal.
