Gin-anunsyo sang National Food Authority (NFA) nga handa sila magpadayon sa pagbakal sang humay (unmilled rice) halin sa mga lokal nga mangunguma.
May yara na sila sang 7.17 million ka sako sang milled rice, sa sulod sang siyam ka adlaw nga stockpile.
Ginpasanyog man sang NFA ang ila storage infrastructure, lakip na ang warehouse kag handling facilities, agud masarangan ang target nga stockpile nga 555,000 metric tons sang milled rice ukon 880,000 metric tons sang humay sa sulod sang 15 ka adlaw nga buffer stock.
Ginlunsyar sang ahensya ang P10-bilyon nga modernization program para pasangkaron pa ang kapasidad sang rice inventory kag warehouse nga preparasyon sa mga palaabuton nga emerhensya.
Ginpahayag ni Agriculture Secretary Francisco Tiu Laurel Jr. nga ang pagreserba sang NFA ang magahatag sang kasiguraduhan nga may yara sang barato nga humay para sa mga apektado nga komunidad, posible pa nga mas mabarato pa sa P29 kada kilo nga subsidized rice, nga kabahin sang food security kag affordability agenda ni President Ferdinand Marcos Jr.
