ILOILO- Ginpasiguro sang National Food Authority nga bastante ang supply sang bugas ang probinsya sang Iloilo.
Ini matapos nga may pila ka mga manugbaligya nga nagpasaka sang presyo sa tunga sang ginpangatubang nga krisis.
Sa interview sang Bombo Radyo kay National Food Authority Iloilo Provincial Manager Jose Mario Pacificador, iya ginpahayag nga apisar nga binulto nga bugas ang ginabakal sang mga Local Government Unit, bastante sa gihapon ang supply sang ahensya.
Suno kay Pacificador, santo sa monitoring sa bug-os nga probinsya, may yara sang pagsaka sa presyo sang bugas kag ini ang nakadepende sa presyo sang humay.
Ginpahayag ni Pacificador nga wala sang dapat kahangaw-an ang publiko bangud bastante ang supply sang bugas kag mahimo nga magpakig-angot sa Local Government Unit ukon sa ahensya para sa dugang nga kasayuran.
