Handa ang National Food Authority (NFA) nga magpaguwa sang suplay sang bugas agud nga masabat ang kinahanglanon sang relief agencies pananglitan may mga emerhensya subong nga holiday season.
Gin-isyu sang ahensya ang statement kasunod sang reports sa padayon nga aktibidad sa Bulkan Kanlaon sa Negros Island kag ang na-monitor nga intertropical convergence kag lapta-lapta nga pag-ulan sa kadam-an nga parte sang pungsod.
Suno kay NFA Administrator Larry Lacson, nagmandu na siya sa mga empleyado sa field nga iga-activate ang Operation Centers (OpCen) sa mga lugar nga apektado sang baha, bagyo, kag iban pa nga mga emerhensya.
Ginpabaskog man sang NFA ang ila nga palay buying strategies sa idalom sang Price Range Scheme agud malab-ot ang rice relief requests sang Department of Social Welfare and Development, Local Government Units, kag Legislators para sa distribution sa mga pamilya nga apektado sang kalamidad.
Gin-report man sang ahensya nga nakumpleto sini ang 95% sang ila nga buffer stocking target subong nga tuig.
Base sa grains agency, may buffer stock ini subong nga 5.661 million bags sang equivalent milled rice.
