ILOILO CITY – Nagpasalig na ang National Food Authority nga kabahin sang ila priority list ang mga local government unit sa pag-procure sang mga bugas nga amo ang ipanagtag sa tagsa ka mga empleyado sini.
Sa interview sang Bombo Radyo kay Iloilo City Mayor Jerry Trenas, iya ginpahayag nga sa iya pagpakig-istorya kay Director Dianne A. Silva, regional manager sang National Food Authority Region 6, nagpasalig ang ahensya nga may bastante pa nga suplay sang bugas ang ahensya.
Suno kay Trenas, tubtob subong, wala pa nakabaton ang syudad bangud gin-una pa ang national governemnt agencies.
Ginapasunod lang ang ginahatagan kag yara sa last priority ang mga local government unit.
Nagpasalig man ang alkalde nga sa tion nga makahatag na sang go signal ang National Food Authority, gilayon nga magapa-in sang pondo ang syudad agud nga mabaton na sang mga city hall employees ang ila nga bugas.
Samtang nga wala pa sang bugas nga mahimo makuha sa National Food Authority, gingamit anay sang syudad ang pondo para sa iban nga kinahanglanon.
