Madugay magsabat kag nagahinibi lang.
Ini ang ginpahayag sang asawa sang Barangay Tanod nga ginluthang-patay sa Barangay Mambog, Oton, Iloilo sang iya ma-istorya ang suspek nga si Melchor Amegable Jr., 33.
Sa interview sang Bombo Radyo kay Emma Legada, anay Barangay Kagawad kag asawa sang biktima nga si Noli Legada, iya ginpahayag nga sang natabo ang krimen, sa iya pagdumdom, ang iya bana amo ang nakatiro sa misis sang suspek nga si Mylene Peronce, isa ka Overseas Filipino Worker kag naka-quarantine sa barangay hall sang amo nga tion.
Apang ginkakibot na lang niya nga ang iya bana nga si Noli amo gali ang natiruhan kag napatay.
Sang nagpadulong si Emma sa Oton Municipal Police Station, nakit-an siya sang suspek nga si Amegable kag gilayon na lang ini naghibi.
Suno kay Emma, personal niya nga kilala si Amegable kag maayo man ini nga tawo bangud masami siya ginabugno.
Ginpamangkot man niya ang suspek kun ngaa nahimo niya nga patyon si Legada apang wala man ini sang sabat kundi nagahilibi-on lamang.
Apisar wala sang sabat ang suspek sa palamangkutanon kun ngaa nahimo niya ang krimen, nagpangayo na lang sang pasaylo si Amegable sa pamilya Legada.
