Ngaa bala may nagakapatay sa bangungot?
Suno kay Dr. Patrick Gerard Moral, eksperto sa sleep medicine, ang bangungot ang ginatawag man nga “sudden unexplained nocturnal death syndrome” sa medical terms.
Masami ang bangungot ma eksperyensyahan sang mga lalaki ukon mga yara sa younger age group.
Mahimo man nga bangud sa pancreatitis ang pagbangungot sang tawo bangud sa tuman nga pag-inom sang makahulubog nga ilimnon.
Indi lamang toxic sa atay ang alcoholic drinks kundi mangin sa pancreas nga nagatuga sang pagkaguba sini.
Apang may yara sang tatlo ka mga factors nga makonsidera nga kabangdanan sang pagbangungot.
Una, kun may yara sang problema sa istruktura ang imo tagipusuon.
Ika-duha, may environmental/social stressor ukon tuman nga kakapoy, makahalanusbo nga emosyon kag may manubo nga potassium.
Kag ang ika-tatlo, kun may yara ikaw sang abnormal nga pagpitik sang tagipusuon samtang ikaw ang tulog.
Kun ma eksperyensyahan ang tatlo ka mga factors nga ini, mahimo pahayag sang eksperto nga mag-untat ang pagpitik sang tagipusuon kag ikaw ang mabangungot.
