Ginsaysay sang isa ka eksperto ang mga rason kun ngaa ang isa ka tawo ang naga-engage sa pagpangling-ling.
Sa interview sang Bombo Radyo kay Francis Ray Subong, isa ka registered guidance counselor, iya ginsaysay ang ginatawag nga voyeurism ukon pagpangling-ling kun sa diin ang isa ka tawo nagaangkon sang interes sa pagtan-aw sa iban nga tawo nga wala nila nahibaluan may nagatulok sa ila.
Suno kay Subong, ang amo nga buluhaton ang nagakaguba sa kaugalingon kag kabuhi sang isa ka tawo bangud naga-develop ini bilang isa ka pamatasan nga may posibilidad nga madala-dala na sang isa ka tawo.
Iya man ginpahayag nga importante nga mahibaluan sang isa ka tawo ang iya boundary kag kinahanglan sini pasangkaron ini agud yara sa gihapon ang pag-respeto sa iya kaugalingon.
Mahimo man ini magresulta sang madugay nga problema sa mental health.
Ginpunto man ni Subong nga dako ang papel sang mga ginikanan agud mapalab-ot sa ila kabataan ang pamatasan nga wala nagaguba sang ila kapasidad nga mangin maayo nga tawo.
Suno pa sa iya nga ang ginikanan ang magabulig sa pag-edukar kag pag-giya sang ila kabataan nahanungod sa ila responsibilidad.
Gindugang pa sini nga ang mayo nga komunikasyon sa sulod sang panimalay makabulig agud malikawan ang mga kaangay sini nga insidente.
Nagpanugyan man ini sa mga tawo nga may ara sang problema kaangay sini kag kun indi makasarang magpakonsulta sa pribado nga doktor, mahimo magpalapit sa mga ospital sang gobyerno pareho sang Department of Health nga nagahatag sang mental health services.
Ini agud mabuligan sila sa mga kaangay sini nga problema nga naga-angot sa mental health problems sang isa ka tawo.
