Gina-prayoridad sa subong sang National Grid Corporation of the Philippines (NGCP) ang pagpa-estable sang grid agud malikawan ang tuman nga power interruption sa pila ka bahin sang lugar sa Western Visayas.
Ini kasunod sang na-eksperyensyahan nga yellow kag red alert status sa nagligad nga mga inadlaw sa pila ka bahin sang syudad kag probinsya sang Iloilo.
Sa interview sang Bombo Radyo kay Reagahn Alcantara, Lead Specialist sang NGCP, iya ginpahayag nga padayon nila nga ginabantayan ang sitwasyon sang power supply kag demand sang kuryente, ilabi na sa mga lugar nga may ara sang mataas nga konsumo.
Suno kay Alcantara, gina-acknowledge man sang Department of Energy (DOE) kag Energy Regulatory Commission (ERC) ang ini nga hitabo kag sa subong ginapreparar na ang parallel investigation agud mahibaluan ang rason sang kakulangan sang suplay sang kuryente.
Dugang pa niya, gina-ekspektar nga maganubo ang transmission charges sa bulan sang Mayo bangud sang adjustment sa rates.
Samtang, ginpatuman man ang manual load dropping sa pila ka mga lugar agud mapabilin nga balanse ang supply kag demand sang kuryente sa grid kag malikawan ang mas dako nga system-wide blackout.
