Ginsiling ini sang National Grid Corporation of the Philippines (NGCP) apisar sang nauna nga pasalig sang Department of Energy (DOE) nga sandig sa forecast, wala sang yellow ukon red alert sa masunod nga mga binulan.
Suno kay Engineer Vincent Harvey Bernabe, ang operations manager sang NGCP central grid, kun basehan ang natabo sang nagligad nga tuig, madamo sang beses nga may unscheduled kag unannounced shutdowns sa mga planta rason nga may yellow kag red alerts.
Base sa una nga statement sang DOE, may masobra sa 4,000 megawatts sang new generation nga maga-boost sang supply antes ang summer season.
Suno naman sang power grid operator, wala sang makapakot kun maka-eksperyensya ang mga planta sang emergency shutdowns kaangay sang natabo sang naglinigad nga mga tinuig.
“Meron tayong mga unplanned forced outages, so ineexpect natin na during summer nandyan sya, pero come summer di na sya available,” suno kay Bernabe.
Para naman sa May 2025 national and local elections, nagapreparar naman ang NGCP sang contingency measures para sa ila nga power transmission operations. Gintukod ang Energy Task Force Election (ETFE) nga ginapangunahan sang Department of Energy (DOE) nga amo ang nagapatigayon sang regular meetings para maistoryahan ang updates sa energy sector kaangot sa eleksyon.
