Nakita sang National Grid Corporation of the Philippines (NGCP) nga epektibo ang Interruptible Load Program (ILP) bilang solusyon agud mabuhinan ang mga power interruption sa Visayas.
Suno kay Atty. Cynthia Alabanza, Assistant Vice President for Public Relations kag spokesperson sang NGCP, isa sa ila tikang amo ang demand side management kung sa diin gina-bulos-bulos ang pag-utod Sang supply sang kuryente sa mga konsumidor agud nga matunga ang ginakulang nga supply.
Pahayag niya, bangud sa mataas nga demand kag manubo nga supply, wala na sang iban nga solusyon kundi ang temporaryo nga i-adjust ukon panubuan ang demand.
Ginpahayag ni Atty. Alabanza, isa pa ka Nakita nila nga makabulig amo ang ILP kung sa diin ang mga dalagko nga corporation ang nagapaandar sang ila kaugalingon nga generators agud ma-sustain ang ginakinahanglan nga kuryente sang ila building.
Ini agud nga indi na ang mga ini mang-agaw ukon makitunga sa nabilin nga supply halin sa grid kag maigahatag na lang ini sa iban nga nagakinahanglan.
Apang, ginklaro man niya nga ini nga ILP ang purely voluntary.
Dugang pa, ginatinguhaan sang NGCP nga makahatag sang solusyon sa nagapadayon nga problema sa kakulangan sang kuryente sa Visayas.
