𝗖𝗔𝗟𝗜𝗡𝗢𝗚, 𝗜𝗟𝗢𝗜𝗟𝗢 — Ginalantaw naman sang National Irrigation Administration (NIA) nga mangin ‘game changer’ sa patag sang agrikultura sa Western Visayas kag sa bug-os nga Pilipinas ang River Multipurpose Project Phase 2 bangud makasarang ini nga makahatag sang serbisyo sang patubig sa apat ka mga Distrito sang Iloilo.
Suno kay Engineer Eduardo Eddie Guillen, Administrator sang National Irrigation Administration, ang proyekto ang mangin fully operational sa tunga-tunga sang 2025 kag magahatag sang tubig sa 23 ka mga banwa kag duha ka syudad sa Iloilo.
Ginpahayag man sini nga magahatag sang irigasyon ang proyekto sa 9,500 ka ektarya sang rainfed nga mga umahan magluwas pa sa nagaeksister nga 22,340 ektaryas, gani mapataas sini ang ani sang humay sang tubtob sa 71 percent ukon 338,000 metric tons.
Gin-athag man sini nga magluwas sa paghatag sang water supply, ang proyekto ang may yara man sang 6.6-megaWatt power generation, bulk water, fishery, tourism, flood control, housing para sa mga indigenous people, kag carbon sequestration components.
