Magabalik sa Pilipinas ang Irish singer-songwriter kag anay miyembro sang One Direction nga si Niall Horan!
Sa anunsyo sang singer, nalakip ang Pilipinas sa Asia stops sang iya Niall Horan: The Show Live On Tour concert sa masunod nga tuig.
(Image: Matt Crossick/REX/Shutterstock for Global)
Maga-perform siya sa Mall of Asia Arena (MOA) sa Mayo 13 kasunod sang iya pagbisita sa Singapore kag Indonesia. Pagkatapos sang Pilipinas, may show siya sa Japan, may duha ka semana nga break kag magabalik sa North America.
Ulihi nga nakabisita si Niall sa Pilipinas sang Hunyo 2018 para sa “Flicker” world tour sa Mall of Asia Arena.
Sang Marso 2015, siya kag ang One Direction ang nag-perform man sa Manila.
Featured sa iya nga debut album ang singles nga “The Town,” “Slow Hands” kag “Too Much to Ask,” samtang sa One Direction naman, nabida ang iya songwriting skills sa “Night Changes,” “Story of My Life,” “Don’t Forget Where You Belong,” “Fool’s Gold,” “Everything About You,” “Back For You,” “Summer Love” kag “Same Mistakes.”
