ILOILO CITY- Wala pa sang sabat ang National Inter-Agency Task Force (NIATF) sa appeal letter nga ginhimo ni Iloilo City Mayor Jerry Trenas nga panubuan sa Alert level 2 gikan sa alert level 3 ang status sang syudad.
Ini matapos gin-anunsyo sang IATF ang extension sang alert level 3 sa syudad tubtob sa Pebrero 28.
Ini nga appeal letter ang gin-endorso ukon ginsuportahan man sang Regional IATF.
Sa interview sang Bombo Radyo kay Treñas, iya ginpahayag nga ginabasehan sang NIATF sa alert level status sang isa ka lugar ang kataason sang Healthcare utilization rate (HCUR).
Apang, suno sa alkalde,sa syudad sang Iloilo, masobra sa 50% sang mga pasyente sa mga ospital ang halin sa iban nga probinsya kag kuntani, ini ang hatagan man sang konsiderasyon sang NIATF.
