Nalakip ang tiglawas sang Iloilo City nga si Nicklyn Jutay sa Top 40 nga mga kandidata nga gin-anunsyo sang Binibining Pilipinas kag natalana nga mag-compete para sa prestihiyoso nga national pageant.
Tumandok si Jutay sang banwa sang Tigbauan kag isa ka fourth year tourism student sa West Visayas State University.
Ginpakilala siya bilang Miss Iloilo Binibini kadungan sang sashing ceremony sang nagligad nga Enero 20.
Gin-anunsyo sang organisasyon ang pangalan sang mga kandidata kasunod sang final screening sang applicants sa New Frontier Theater sa Araneta City sa Quezon City.
Natalana naman nga iga-anunsyo kun san-o ang finals night para sa nasambit nga pageant.
Ini na ang ika-60 nga edition sang Binibining Pilipinas nga amo ang una kag longest-running major national beauty pageant sa Pilipinas nga naka-produce sang apat ka Miss Universe winners — Gloria Diaz sang 1969, Margie Moran sang 1973, Pia Wurtzbach sang 2015, kag Catriona Gray sang 2018.#
(karlchristianphotography/nicklynjutay/FB)
