Nag-plead sang not guilty ang deposed leader sang Venezuela nga si Nicolas Maduro kag ang iya asawa nga si Cilia Flores sa sampaw-sampaw nga mga kaso nga ila ginaatubang sa Estados Unidos sang Amerika.
Ini ang nagalakip sang drug-terrorism conspiracy, cocaine-importation conspiracy, kag possession of machine guns and destructive devices.
Ini ang ila una nga pag-atubang sa korte sa New York matapos ang operasyon sang militar sang Estados Unidos sang Amerika nga nagdakop sa ila sa Caracas ukon ang capital sang Venezuela sang Sabado sang kaagahon.
Sa iya pag-atubang sa hukom, nagpahayag si Maduro nga inosente siya kag disente siya nga sahi sang tawo. Gindugang man niya man nga siya gihapon ang presidente sang Venezuela, kag gin-kidnap lamang siya halin sa iya balay sa Caracas.
Gintawag man sini ang iya kaugalingon nga “prisoner of war”.
“I am innocent. I am not guilty. I am a decent man. I am still president of my country,” pahayag ni Maduro paagi sa interpreter, apang gin-utod siya ni U.S. District Judge Alvin Hellerstein.
Antes ang tunga sa oras nga hearing, nagtipon ang madamo nga taga-protesta sa guwa sang korte — ang iban nagapabor, samtang ang iban nagakontra sa deposed leader.
Natalana nga mag-atubang liwat sa korte si Maduro kag ang iya asawa sa Marso 17, 2026.
Sa pihak nga bahin, sa Venezuela, pormal na nga nagpanumpa ang parliamentary leader nga si Delcy Rodríguez bilang acting president. Natabo ang oath isa ka adlaw matapos ang mandu sang Supreme Court of Justice.#
