Naka-attend ka na bala sa isa ka kasal? Kadam-an nga nagakadto sa kasal amo ang mga mag-asawa.
Apang nangin kontrobersyal ang isa ka Nigerian socialite nga si Mike Eze-Nwalie Nwogu, aka “Pretty Mike” matapos nga nag-attend sa isa ka high-profile wedding.
Bal-an mo kun pila kabilog kag kun sanday sin-o ang iya upod? Indi lang isa, indi duha, indi tatlo, indi pa gid apat ukon lima.
Kundi….anom! anom kabilog nga mga babaye ang iya upod nga lunsay mga nagabusong!
Ang mga ginabusong sang anom ka mga babaye ang gina-alegar lunsay mga kabataan ni Pretty Mike.
Ini ang indi lamang labing una nga tion nga ginkibot niya ang iya mga fans kag syempre indi man ini ang katapusan.
Sang tinalikdan nga tuig, nagpost man si Pretty Mike sang pictures niya kaupod ang lima ka mga brides sa diin iya ginpahayag nga handom niya nga kaslon sa duha niya ka mga ex’s kag tatlo ka mga girlfriends.
