Gin-raid sang mga pulis ang mga bar kag nightclubs sa Moscow, Russia sa idalom sang layi nga naga-hatag sang penalidad sa LGBT propaganda.
Sa amo nga mga operasyon, may ginpangkumpiskar man nga smartphones, laptops kag video cameras samtang ginpang-check naman ang club-goers kag ang ila nga mga dokumento.
Samtang ginahimo ini, ginpahapa sa salog ang partygoers sa nightclub samtang may yara naman nga popular nga gay club kun sa diin gin-escort paguwa ang mga tawo.
Suno sa Interior Ministry, ginsulod man sang mga pulis ang isa ka nightclub nga nagapalapta sang propaganda sa ideolohiya sang ginadumilian nga LGBT movement.
Ini nga raid ang ginpatigayon kadungan sang una nga anibersaryo sang pag-ban sang Russian Supreme Court sang “international LGBT movement”.
Ginakabig ini sang otoridad nga “extremist organization” nga amo ang rason sang pagdakop kag pag-prosecute sang mga miyembro sang LGBTQ community sa amo nga pungsod.
Nahibaluan nga halin sang gin-lunsar sang Russia ang military attack sini sa Ukraine halos tatlo ka tuig na ang nagligad, ginpasangkad pa sini ang ila conservative rhetoric kag ila nga “traditional values” bilang pagpakita man sang ila pagkontra sa Western countries kag sa ila mga kinaandan nga pagginawi.
